A Asociación de Comerciantes, Empresarios, Profesionais e Autónomos de Sarria (ACES) asina un novo convenio, nesta ocasión coa operadora de telecomunicacións XFERA MÓBILES SAU (YOIGO), a través do comercio asociado YOIGO Sarria.
Con este acordo, os asociados da ACES contarán con tarifas melloradas á hora de contratar os seus servizos de telefonía. Os socios da ACES terán condicións vantaxosas se contratan os seus servizos, en concreto, beneficiaranse dun 8% de desconto en todas as súas tarifas, acumulable á oferta existente e para sempre.
O acordo foi asinado polo presidente da ACES, Ricardo Arias Alvaredo, e por Natalia Rodríguez, xestora da zona norte da devandita empresa, así como o propietario do comercio de telefonía en Sarria, José Luis Chaos.