O Centro Comercial Urbano de Sarria, inicia unha nova Campaña para animar aos clientes a realizar as súas compras de San Valentín nos establecementos adheridos (comercios, perruquerías, fisioterapias, etc…) ubicados na vila de Sarria.
Os clientes, a través das compras, participarán no sorteo de 4 ceas románticas para dúas persoas, na hostalaría asociada (Cafetería El Parisien, Hotel Alfonso IX, Restaurante O´Descanso e Restaurante Roma). As persoas premiadas terán un amplo prazo para escoller o día no que gozar do premio.
Esta campaña promocional iniciase o luns 1 de febreiro e finaliza o día dos namorados. O sorteo, aberto ao público, será o mercores día 17 de febreiro ás 18:00 horas nas oficinas de ACES.